GƏMİLƏRİN BOSFOR VƏ DARDANEL BOĞAZLARININ GİRƏCƏYİNDƏ LƏNGİMƏSİ HAVA ŞƏRAİTİ İLƏ BAĞLIDIR

13.01.2004 [11:01]
Çap et
A⁺ A^-

AZƏRTAC-ın müxbiri Moskvadan xəbər verir ki, bunu Türkiyənin Rusiyadakı səfiri Qurtuluş Daşkənd yanvarın 12-də “Exo Moskvı” radiostansiyasının birbaşa efirində bildirmişdir.

O demişdir ki, hava şəraitinin pis olması və təhlükəsizlik sahəsində məhdudiyyətlər qoyulması nəticəsində Bosfor və Dardanel boğazlarında “tıxac” yarandığına görə Aralıq dənizi regionu ölkələrinin neftayırma zavodları xammal çatışmazlığı ilə üzləşmişdir. Türkiyə diplomatı xatırlatmışdır ki, son 10 gün ərzində boğazlara qatı duman çökmüşdür və Qara dənizə çıxışda qasırğa tüğyan edir.

Səfir vurğulamışdır ki, Türkiyə hökumətinin ətraf mühitin mühafizəsi üçün həyata keçirdiyi tədbirlər zəruridir və beynəlxalq normalara uyğundur.