GƏNCƏ BASKETBOLÇULARI ÖLKƏNİ AVROPA YARIŞLARINDA TƏMSİL EDƏCƏKLƏR
Beynəlxalq Basketbol Federasiyası hər il yeniyetmələr arasında basketbol üzrə Avropa turnirləri keçirir. Bu turnirlərin üstünlüyü ondadır ki, qaliblər Avropa yarışlarında iştirak etmək hüququ qazanırlar. Respublika Basketbol Federasiyasından AZƏRTAC-ın müxbirinə bildirmişlər ki, Azərbaycan bu yarışlarda artıq dördüncü ildir iştirak edir. Bakıda keçirilən builki turnirdə Sumqayıt, Gəncə, Şəki, Cəlilabad və paytaxt idmançıları görüşmüşlər. Gəncə şəhərini “Gəncə-Telekom” komandası təmsil etmişdir. Bu komanda bütün rəqiblərinə qalib gələrək, birinci yeri tutmuşdur. “Gəncə-Telekom” komandası avqustda keçiriləcək Avropa yarışlarına hazırlaşmağa başlamışdır.
Bölmənin digər xəbərləri
