Gəncədə taksi avtomaşınları üçün xüsusi dayanacaqlar müəyyənləşdirilmişdir
Gəncə, 6 noyabr (AZƏRTAC).Bir neçə gündür ki, Gəncədə taksi avtomaşınlarının nizamsız düzülüşünə son qoyulmuşdur. Artıq şəhərin müxtəlif ərazisində onlar üçün xüsusi dayanacaqlar müəyyənləşdirilmiş və bunu bildirən lövhələr vurulmuşdur.
1 nömrəli regional nəqliyyat departamentinin şöbə müdiri Oqtay Məmmədov AZƏRTAC-a demişdir ki, Gəncədə nəqliyyatın və piyadaların hərəkətinə maneçilik yaradan amillərdən biri də taksi avtomaşınlarının pərakəndə düzülüşüdür. Bu problemi aradan qaldırmaq üçün yol polisi ilə nəqliyyat departamenti birgə olaraq təhqiqat aparmış və uyğun yerlərdə taksi dayanacaqları üçün yerlər müəyyənləşdirmişdir. Hələlik 22 yer ayrılmışdır. Gələcəkdə bu dayanacaqların sayının artırılması da nəzərdə tutulmuşdur.
Bölmənin digər xəbərləri
