“GƏNCLƏRBİRLİYİ” VƏ “ABN-BƏRDƏ” KLUBLARI PREMYER LİQANI TƏRK ETMİŞLƏR
AZƏRTAC xəbər verir ki, mayın 27-də futbol üzrə Azərbaycan çempionatında sonuncu turun oyunları keçirilmişdir.
Bu turdan sonra “ABN-Bərdə” komandası ilə yanaşı, “Gənclərbirliyi” klubunun da Premyer Liqanı tərk edəcəyi dəqiqləşmişdir.
Son oyunda “Gənclərbirliyi” “Standard”a 2:3 hesabı ilə uduzaraq turnir cədvəlində 14 xalla 13-cü yeri tutmuşdur.
“ABN-Bərdə” isə mayın 28-də “Neftçi” ilə keçirəcəyi oyunun nəticəsindən asılı olmayaraq, növbəti mövsümdən birinci divizionda mübarizə aparacaqdır. Hazırda “ABN-Bərdə” 12 xalla turnir cədvəlində sonuncu yeri tutur.
Digər iki oyunda isə aşağıdakı nəticələr qeydə alınmışdır: “Bakı”-“Turan”-2:2, “Masallı”-“Karvan”-4:1.
Mayın 28-də isə Azərbaycan çempionatının qalibi məlum olacaqdır. Ölkə çempionatının lideri “Olimpik” son oyunda “Qarabağ”la qarşılaşacaqdır. Qızıl medallara iddialı “İnter” isə bu turda “Qəbələ”nin qonağı olacaqdır.
Hazırda turnir cədvəlinə 58 xalla “Olimpik” başçılıq edir. Ondan 3 xal geri qalan “İnter” isə ikinci yeri tutur. “Olimpik”in məğlub olacağı halda “İnter”in qələbəsi onu ilk dəfə olaraq Azərbaycan çempionu tituluna yiyələndirəcəkdir.
Bölmənin digər xəbərləri
