İDMAN
“Grand Chess Tour”: Şəhriyar Məmmədyarov və Teymur Rəcəbov ikinci turda mübarizə aparacaqlar
Bakı, 6 iyun, AZƏRTAC
İyunun 6-da “Grand Chess Tour” şahmat seriyasının birinci mərhələsinin ikinci turunun oyunları keçiriləcək.
AZƏRTAC xəbər verir ki, Rumıniyada keçirilən turnirdə Azərbaycanı Şəhriyar Məmmədyarov və Teymur Rəcəbov təmsil edirlər. İkinci turda Şəhriyar Məmmədyarov rusiyalı Aleksandr Qrişuk, Teymur Rəcəbov niderlandlı Aniş Giri ilə mübarizə aparacaqlar. Doqquz turdan ibarət olan turnirin birinci turunda Ş.Məmmədyarovun Uesli So, T.Rəcəbovun Fabiano Karuana ilə qarşılaşmaları heç-heçə başa çatıb.
İkinci turun digər oyunlarında Rumıniya təmsilçiləri Konstantin Lupulesku Fabiano Karuana, Boqdan-Daniel Dyak fransalı Maksim Vaşye-Laqrav, Uesli So ermənistanlı Levon Aronyanla mübarizə aparacaqlar.
Seriya ümumilikdə beş mərhələdən və böyük finaldan ibarət olacaq.