GÜLƏŞ ÜZRƏ DÜNYA ÇEMPİONATINDA FƏRQLƏNMİŞ AZƏRBAYCAN İDMANÇILARI MÜKAFATLANDIRILMIŞLAR
AZƏRTAC xəbər verir ki, sentyabrın 24-də Azərbaycan Güləş Federasiyasında Bakıda keçirilmiş dünya çempionatının yekunlarına həsr olunmuş toplantı olmuşdur.
Toplantıda sərbəst və yunan-Roma güləşi üzrə yığma komandalarımızın üzvlərinin çıxışları müzakirə olunmuşdur.
Azərbaycan Güləş Federasiyasının prezidenti Fazil Məmmədov çempionatın nəticələrindən danışmış, yığma komandaların baş məşqçiləri qarşıya çıxan problemlərin qısa müddətdə aradan qaldırılması istiqamətində görüləcək işlər barədə məlumat vermişlər.
Yığma komandanın üzvləri yaradılan şəraitə görə dövlətimizin başçısı, Milli Olimpiya Komitəsinin prezidenti İlham Əliyevə minnətdarlıqlarını bildirmişlər.
Daha sonra dünya çempionatında medal qazanmış və Pekin Yay Olimpiya Oyunlarına lisenziya əldə etmiş idmançılarımız mükafatlandırılmışlar.
Bölmənin digər xəbərləri
