GÜLƏŞ ÜZRƏ RESPUBLİKA TURNİRİ QALİBLƏRİNİN ADLARI MÜƏYYƏN EDİLMİŞDİR
Bakı, 25 may (AZƏRTAC). Gəncə Olimpiya-İdman Kompleksində 600-ə yaxın güləşçinin iştirak etdiyi yeniyetmələr arasında sərbəst və yunan-Roma güləşi üzrə respublika turniri başa çatmışdır.
Rəhim Nüsrətov (32 kq, Lənkəran), Ruslan Surxayov (35 kq, Şamaxı), Ruslan Qasımov (38 kq, Gəncə) və Məmmədhüseyn Həsənov (42 kq, Gəncə) sərbəst güləş üzrə turnirin qalibləri olmuşlar.
Yunan-Roma güləşi üzrə yarışlarda Şahin Bayramov (32 kq, Daşkəsən), Sənan Süleymanov (35 kq, Bakı), Kərim Cəfərov (38 kq, Bakı), İzzət Süleymanov (42 kq, Gəncə), Zahid Ələkbərzadə (47 kq, Sumqayıt), Ruhin Mikayılov (53 kq, Bakı), İsmayıl Səfərli (59 kq, Lənkəran), Əsgər Əliyev (66 kq, Gəncə), Ramiz Novruzov (73 kq, Lənkəran) və Turmen Eyyubov (85 kq, Gəncə) fərqlənmişlər.
Ümumi komanda hesabında Bakı idmançıları (164 xal) 1-ci, Gəncə güləşçiləri (92 xal) 2-ci, Sumqayıt komandası isə (76 xal) 3-cü yeri tutmuşdur.
Yarışdan sonra Gəncədə ölkənin güləş Federasiyasının vitse-prezidentləri Cavanşir Qurbanov, Elçin Cəfərov və Məhəmmədxan Aratsilov, həmçinin hakimlər kollegiyasının sədri Əjdər Cəfərovun iştirakı ilə yerli məşqçilər üçün seminar keçirilmişdir.
Bölmənin digər xəbərləri
