Gürcüstan DTX əməliyyat keçirib, İŞİD-lə əməkdaşlıqda şübhəli bilinən iki nəfər saxlanılıb
Tbilisi, 6 iyun, AZƏRTAC
Gürcüstan Dövlət Təhlükəsizlik Xidməti ölkə ərazisində xüsusi antiterror əməliyyatı keçirib. Nəticədə İŞİD-lə əməkdaşlıqda şübhəli bilinən iki nəfər Gürcüstan vətəndaşı saxlanılıb.
AZƏRTAC xəbər verir ki, bu barədə Gürcüstan Dövlət Təhlükəsizlik Xidməti məlumat yayıb.
Bildirilib ki, xüsusi əməliyyat Batumi şəhərinin iki hissəsində eyni vaxtda keçirilib. Saxlanılan şəxslərdən pulemyotlar, tapançalar, əl qumbaraları, “İslam dövləti”nin rəmzləri" və digər maddi sübutlar götürülüb.
Saxlanılan şəxsləri 10 ildən 17 ilə qədər həbs cəzası gözləyir.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
