Gürcüstan parlamentinin sədri: Heydər Əliyev müasir Azərbaycanın formalaşmasında mühüm rol oynamış Liderdir
Bakı, 16 may, AZƏRTAC
Heydər Əliyev müasir Azərbaycanın formalaşmasında mühüm rol oynamış milli Liderdir.
AZƏRTAC xəbər verir ki, bunu Gürcüstan parlamentinin sədri Şalva Papuaşvili Azərbaycan Milli Məclisinin Ulu Öndər Heydər Əliyevin anadan olmasının 100-cü ildönümünə həsr edilmiş xüsusi iclasında deyib.
Heydər Əliyevin effektiv siyasəti sayəsində Azərbaycanın güclü, firavan dövlətə çevrildiyini bildirən Şalva Papuaşvili deyib ki, ən vacibi isə odur ki, o, xalqının ürəyini fəth edib. “Heydər Əliyev Cənubi Qafqazda sülhün dəstəkçisi idi. O, Azərbaycanla Gürcüstan arasında güclü dostluq əlaqələrinin qurulmasını təmin edib. Onun müstəsna rəhbərliyi ilə Azərbaycan-Gürcüstan-Türkiyə enerji tranziti marşrutları böyük strateji baxışın və liderliyin füsunkar nümunələrindən biri olub”, - deyə Ş. Papuaşvili qeyd edib.
Bölmənin digər xəbərləri
