GÜRCÜSTAN POLİSİ RUS ZABİTLƏRİNİ VƏ 11 NƏFƏR GÜRCÜSTAN VƏTƏNDAŞINI TUTUB
AZƏRTAC-ın xüsusi müxbiri xəbər verir ki, sentyabrın 27-də Gürcüstan Daxili İşlər Nazirliyinin keçirdiyi əməliyyat nəticəsində Tbilisi, Batumi və Laqodexi şəhərlərində 4 nəfər yüksək rütbəli rus zabiti və 11 nəfər Gürcüstan vətəndaşı Gürcüstan əleyhinə casusluqda şübhəli şəxs qismində yaxalanmışdır. Bir nəfər - polkovnik Konstantin Bikutin Zaqafqaziyadakı Rusiya qoşunları qrupunun qərargahında gizlənmişdir. Polis binanı mühasirəyə almışdır.
Xatırladaq ki, tutulanların 5 nəfəri - Artaş Baloyan, Aleksandr Zavinyan, Azvik Aslanyan, Karen Aboyan, Petre Avşaryan ermənidir.
Daxili işlər naziri Vano Merabişvili bu qrupun Rusiya zabitləri ilə birgə ölkədə təxribatlar törətməyə hazırlaşdığını bildirmişdir.
Bölmənin digər xəbərləri
