GÜRCÜSTAN PREZİDENTİ KODORİ DƏRƏSİNƏ GETMİŞDİR
Onlar Kodori dərəsinin yuxarı hissəsində yerləşən Çxalta kəndində binalar kompleksinin açılış mərasimində iştirak etmişlər. Burada mühacirətdə olan Abxaziya hökuməti yerləşəcəkdir.
Saakaşvili sentyabrın 26-da Tbilisidə keçirilən mətbuat konfransında bildirmişdir ki, onun qərarına əsasən, bundan sonra Kodori dərəsinə yeni rəsmi ad – Yuxarı Abxaziya adı verilir. O demişdir ki, “bu qərar Suxuminin və ümumən Abxaziyanın işğalının 13-cü ildönümü ilə əlaqədar qəbul edilmişdir”. Prezidentin sözlərinə görə, gürcü-abxaz münaqişəsinin nizama salınması prosesində iştirak edən, Tbilisiyə və Suxumiyə gedən bütün xarici diplomatlar Çxalta kəndinə də gəlməlidir.
Bölmənin digər xəbərləri
