Gürcüstan xaricdən xeyli silah alacaq
Tbilisi, 11 mart, AZƏRTAC
Gürcüstan ölkənin müdafiə qabiliyyətini artırmaq üçün xarici ölkələrdən xeyli silah alıb. Cari ildə də silah alışı ilə bağlı bir sıra müqavilələr imzalanıb.
AZƏRTAC xəbər verir ki, bu barədə Gürcüstanın müdafiə naziri Cuanşer Burçuladze “İmedi” televiziya kanalına müsahibəsində məlumat verib.
Nazir deyib ki, Gürcüstan ölkənin müdafiə qabiliyyətinin artırılması və silahlanma istiqamətində çox uğurlu addımlar atıb. Cari ildə bununla əlaqədar çox vacib müqavilələr imzalanıb. Artıq silah alınması ilə bağlı İspaniya, Polşa, İsveç şirkətləri ilə müqavilələr imzalanıb. Bu işlər bundan sonra da davam etdiriləcək.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
