Gürcüstanda avromobillərdə qış təkərlərindən istifadə məcburi oldu
Tbilisi, 1 dekabr, AZƏRTAC
Gürcüstanda 2025-ci il dekabrın 1-dən 2026-cı il martın 1-dək bir neçə yol istiqamətində avtomobillərin yalnız qış təkərləri ilə hərəkəti məcburi edilib.
AZƏRTAC xəbər verir ki, qaydalara əsasən, minik avtomobillərində protektorun dərinliyi ən azı 3 mm, avtobuslarda isə 4 mm olmalıdır.
Bundan başqa, təkərlərin istehsal tarixi 10 ili keçməməli və üzərində “qar dənəciyi” işarəsi olmalıdır.
Qanun tələblərinə əməl etməyən sürücülər 100 lari və 5 bal cərimələnəcəklər. Polis qaydalara uyğun olmayan avtomobillərin müəyyən ərazilərə girişini qadağan edə və təhlükə yarandığı halda nəqliyyat vasitəsini müvəqqəti saxlaya bilər.
Qış təkərləri tələbi Tbilisi–Senaki–Leselidze, Mtsxeta–Stepantsminda–Larsi, Zuqdidi–Mestia, Borjomi–Bakuriani və digər dağlıq istiqamətlər də daxil olmaqla bir sıra beynəlxalq və daxili yollara şamil olunur.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
