Gürcüstanda əməliyyat keçirilib, 142 nəfər saxlanılıb
Tbilisi, 21 oktyabr, AZƏRTAC
Gürcüstanda narkomaniyaya qarşı keçirilən genişmiqyaslı əməliyyat nəticəsində 142 nəfər saxlanılıb.
AZƏRTAC xəbər verir ki, bu barədə ölkənin Daxili İşlər Nazirliyi məlumat yayıb.
Bildirilib ki, saxlanılan şəxslərin arasında həm Gürcüstan, həm də xarici ölkə vətəndaşları var. Onlardan müxtəlif adlarda külli miqdarda narkotik vasitələr, həmçinin narkotiklərin qablaşdırılması üçün materiallar, elektron tərəzilər, narkotiklərin qanunsuz satışından əldə edildiyi ehtimal olunan pul vəsaiti, qanunsuz əldə edilmiş odlu silahlar və döyüş sursatları götürülüb.
Faktla bağlı araşdırma aparılır.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
