Gürcüstanda ictimai nəqliyyatın fəaliyyəti bərpa olunur, restoran və bazarlar açılır
Tbilisi, 4 fevral, AZƏRTAC
Gürcüstan hökuməti koronavirusun yayılmasının qarısını almaq məqsədilə tətbiq etdiyi bəzi məhdudiyyətlərin bir qismini ləğv edir.
AZƏRTAC xəbər verir ki, bu barədə Gürcüstanın Baş naziri Giorgi Qaxariya hökumətin bu gün keçirilən iclasında məlumat verib.
Onun sözlərinə görə, fevralın 8-dən etibarən Gürcüstanda bələdiyyə nəqliyyatı fəaliyyətini bərpa edəcək. Bu qərar Tbilisi, Rustavi və Kutaisi şəhərlərini də əhatə edəcək.
Hökumətin qərarına əsasən, metronun işi bərpa olunacaq, avtobus və mikroavtobuslar xəttə buraxılacaq. Eyni zamanda, bazarlar da tam olaraq işlək vəziyyətə gətiriləcək.
Fevralın 15-dən etibarən yemək məkanları və restoranlar açıq məkanda fəaliyyətini bərpa edəcək.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
