Gürcüstanda son sutka ərzində 583 nəfərdə koronavirus təsdiq olunub
Tbilisi, 4 fevral, AZƏRTAC
Gürcüstanda son sutka ərzində 16 min 605 nəfərə koronavirusla əlaqədar test olunub. Nəticədə 583 nəfərdə koronavirus təsdiq olunub.
AZƏRTAC xəbər verir ki, bu barədə Gürcüstan hökumətinin rəsmi stopgov.ge saytında məlumat yerləşdirilib.
Bildirilir ki, ölkədə koronavirusa yoluxanların ümumi sayı 260 min 480-ə çatıb.
Son sutka ərzində 671 nəfər bu virusdan müalicə olunub. Ümumiyyətlə COVID-19 virusundan müalicə olunanların sayı 251 min 748 nəfərə çatıb.
Daha 19 nəfər pandemiyanın qurbanı olub və virusdan dünyasını dəyişənlərin ümumi sayı 3240-a çatıb.
Ölkədə gündəlik yoluxma əhalinin 3,51 faizini təşkil edir. Son bir həftə ərzində bu rəqəm 3,79, 14 gündə isə 4,41 faiz olub.
Hazırda karantin rejimində 430, stasionar nəzarətdə isə 2 341 nəfər saxlanılır.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
