Gürcüstanda yoxsulluq səviyyəsi 15,3 faizə enib
Tbilisi, 19 fevral, AZƏRTAC
Ötən ilin dördüncü rübündə Gürcüstanda işsizlik səviyyəsi 2022-ci ilin müvafiq dövrü ilə müqayisədə 0,7 faiz azalaraq 15,3 faiz təşkil edib.
AZƏRTAC xəbər verir ki, bu barədə Gürcüstanın Milli Statistika Xidməti məlumat yayıb.
Bildirilir ki, 2023-cü ilin son üç ayında muzdla işləyənlərin sayı əvvəlki ilin müvafiq dövrü ilə müqayisədə 74,3 min nəfər (8,4 faiz) artaraq 958,4 min nəfərə çatıb.
Gürcüstanda kişilər arasında işsizlik nisbəti ənənəvi olaraq qadınlardan daha yüksəkdir. Həmin göstərici qadınlar arasında 0,3 faiz, kişilər arasında isə 1,0 faiz azalaraq müvafiq olaraq 13,5 faiz və 16,8 faiz təşkil edib.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
