Gürcüstanın Baş naziri Azərbaycana səfərə yola düşüb
Tbilisi, 30 avqust, AZƏRTAC
Gürcüstanın Baş naziri Mamuka Baxtadze avqustun 30-da Azərbaycana səfərə yola düşüb.
AZƏRTAC xəbər verir ki, Gürcüstan hökumətinin başçısını, Baş nazirin müavini, daxili işlər naziri Giorgi Gaxaria, xarici işlər naziri David Zalkaliani, maliyyə naziri İvane Maçavariani, parlament sədrinin müavini, Gürcüstan-Azərbaycan parlamentlərarası əlaqələr üzrə dostluq qrupunun rəhbəri Zviad Dzidziquri, dostluq qrupunun üzvləri və digər rəsmi şəxslər müşayiət edirlər.
M.Baxtadze Bakıya səfəri çərçivəsində bir sıra yüksək səviyyəli görüşlər keçirəcək. Bu görüşlərdə iki ölkə arasında strateji tərəfdaşlığın inkişaf perspektivləri, regional əməkdaşlığın yeni istiqamətləri, həmçinin ticari əlaqələrin daha da genişləndirilməsi, sərmayə qoyuluşu və digər sahələr üçün yeni təşəbbüslər nəzərdən keçiriləcək.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
