HƏKİMLƏRİN BEYNƏLXALQ SİMPOZİUMU
“Azersun Holdinq”in sponsorluğu ilə keçirilən simpoziumda B.Eyvazov adına Elmi Tədqiqat Hematologiya və Transfuziologiya İnstitutunun direktoru, professor Azad Hacıyev, Səhiyyə Nazirliyinin baş hematoloqu Çingiz Əsədov, Hemofiliyalı Xəstələrin Respublika Assosiasiyasının prezidenti Gülnarə Hüseynova, Ə.Əliyev adına Həkimləri Təkmilləşdirmə İnstitutu hematologiya kafedrasının müdiri Elmira Qədimova, İstanbul Universitetinin professoru Bülənd Zülfiqar, dünya Hemofiliya Federasiyasının proqramlar direktoru xanım Ketrin Hyudon, “Novo Nordisk” şirkəti “Novo Seven” şöbəsinin rəhbəri Natalya Babkova (Moskva) və başqaları çıxış etmişlər. Tədbirdə hemofiliya problemlərinə, Azərbaycanda Dövlət proqramlarına, hemofiliyalı xəstələrin kliniki-papulyasiya xüsusiyyətlərinə, Qlobal Alyans Proqramının məqsədlərinə, hemofiliyanın inhibitor formasının müalicəsində 7 amildən istifadəyə, kompleks müalicə və problemin həlli yollarına dair məruzələr dinlənilmiş, müzakirələr aparılmışdır.
Bölmənin digər xəbərləri
