HƏRBİ HİSSƏDƏ GÖRÜŞ KEÇİRİLMİŞDİR
AZƏRTAC-ın müxbiri xəbər verir ki, Gəncənin bir qrup mədəniyyət işçisi və ziyalılar “N” hərbi hissəsində maraqlı görüş keçirmişlər. Görüşdə şəhər mədəniyyət idarəsinin rəisi Mina Məlikova, yazıçı-alim, filologiya elmləri doktoru Bağır Bağırov, şairlərdən Məmməd Alim və başqaları əsgərlər qarşısında çıxış edərək, müstəqil Azərbaycan Respublikasına xidmət etməyin şərəfli olduğunu vurğulamış və onlara hərb sirrinin öyrənilməsində uğurlar arzulamışlar. Sonra Gəncə Dövlət Filarmoniyasının qədim xalq çalğı alətləri ansamblı və kamera orkestri maraqlı konsert proqramı ilə hərbçilər qarşısında çıxış etmişlər. Hərbi hissənin rəhbərliyi Gəncənin mədəniyyət işçilərinə və ziyalılara şəxsi heyət adından minnətdarlıq etmişdir.
