Hidayət Heydərov: Azarkeşlərin ümidini doğrultdum
Bakı, 23 sentyabr, AZƏRTAC
Bu gün keçirilən hər bir görüşüm çətin idi. Bütün görüşlərimə final kimi baxırdım. Ən çətini isə yarımfinal qarşılaşması oldu.
AZƏRTAC xəbər verir ki, bu sözləri Bakıda keçirilən “Böyük dəbilqə” turnirin qalibi Hidayət Heydərov deyib.
Hidayət Heydərov azarkeşlərin ümidini doğrultduğu üçün sevincli olduğunu bildirib: “Onlar məni çempion kimi görürdülər. Sevindirici haldır ki, mən bunu bacardım”.
2023-cü ilin onun üçün uğursuz başladığını deyən cüdoçu bir sıra yarışlarda qalib olmadığı üçün məyus olduğunu deyib: “Lakin ruhdan düşmədim. Qarşıma məqsəd qoydum ki, Avropa çempionatının qalibi olacağam”.
O, bildirib ki, hazırda əsas məqsədi “Paris-2024” Yay Olimpiya Oyunlarına vəsiqə qazanmaqdır: “ Əlimdən gələni edəcəm ki, Olimpiya Oyunlarında iştirak edim və xalqımı sevindirim”.
Bölmənin digər xəbərləri
