Hindistanın cənub-şərqində qasırğa 17 nəfərin həyatına son qoyub
Bakı, 6 dekabr, AZƏRTAC
Hindistanın cənub-şərqindəki Tamil Nadu ştatında “Miçaunq” qasırğası nəticəsində azı 17 nəfər ölüb.
AZƏRTAC xarici KİV-lərə istinadla xəbər verir ki, iki gün ərzində bölgəyə 330 mm-dən çox yağış düşüb.
"Siklonla bağlı daşqınlar nəticəsində baş verən müxtəlif hadisələrdə 17 nəfər ölüb. 10-a yaxın suda boğulma və elektrik cərəyanı vurma faktı qeydə alınıb, onlara vaxtında tibbi yardım göstərilib", - polisin açıqlamasında bildirilir.
Polisin bildirdiyinə görə, qonşu rayonlardan məlumat daxil olduqdan sonra ölənlərin sayı arta bilər.
Bölmənin digər xəbərləri
