Hulusi Akar: Kayseri ilə Şuşa şəhərləri arasında olan münasibətlər bizi qürurlandırır VİDEO
Şuşa, 13 aprel, Tahir Ağaməmmədov, AZƏRTAC
Kayseri ilə Şuşa şəhərləri arasında olan münasibətlər bizi qürurlandırır. Şuşa təkcə Azərbaycan üçün deyil, bütün Türk dünyası üçün bir bayraq, simvoldur.
AZƏRTAC-ın bölgə müxbiri xəbər verir ki, bunu Şuşada jurnalistlərə müsahibəsində Türkiyə Böyük Millət Məclisinin Milli müdafiə komissiyasının sədri Hulusi Akar deyib.
H.Akar işğaldan azad olunmuş ərazilərdə həyata keçirilən quruculuq və inkişafa görə qürur duyduğunu ifadə edib: “Həm yolboyu gələrkən, həm də Şuşada gördüklərimizdən böyük bir qürur duyduq. Gerçəkdən çox böyük inkişafın şahidi olduq. Prezident İlham Əliyevin qətiyyəti ilə burada sürətli inkişaf meydana gəlib. İşlər planlı, məqsədə uyğun şəkildə həyata keçirilir”.
Bölmənin digər xəbərləri
