İctimai Birlik sədri: Bütün infrastruktur obyektlərində əlçatanlıq məsələsinə xüsusi diqqət yetirilməlidir

18.05.2026 [19:31]
Çap et
A⁺ A^-

Bakı, 18 may, AZƏRTAC

Azərbaycanda həyata keçirilən tikinti və abadlıq layihələri müsbət nəticələr verir. Bununla yanaşı, yeni yaradılan bütün infrastruktur obyektlərində əlçatanlıq məsələsinə xüsusi diqqət yetirilməlidir. Yeni tikilən binalar və infrastrukturlar hər bir insan üçün əlçatan olmalıdır.

AZƏRTAC xəbər verir ki, bu fikirləri jurnalistlərə açıqlamasında “Vətəndaşların Sosial Rifahı Naminə” İctimai Birliyinin sədri İradə Rizazadə səsləndirib.

Azərbaycanda gözəl tikililərin, uğurlu layihələrin olduğunu bildirən İ.Rizazadə qeyd edib ki, Bakıda keçirilən Ümumdünya Şəhərsalma Forumunun 13-cü Sessiyasında xarici qonaqlara şəhərsalma məsələlərinin ictimai birliklər və dövlət qurumlarının birgə fəaliyyəti nəticəsində müzakirə olunub həll edilə bildiyini göstəririk.

_{Müxbir - Pərvanə Qafarova}