İDMANÇILARIMIZ AVROPA ÇEMPİONATINDA 2 BÜRÜNC MEDAL QAZANMIŞLAR
Karate-do Federasiyasından AZƏRTAC-a bildirmişlər ki, Macarıstanın paytaxtı Budapeştdə keçirilən “kyokushin karate” üzrə Avropa çempionatında Rəsul Əliyev 55 kiloqram çəki dərəcəsində, Elnur Rafaelov isə 70 kiloqram çəki dərəcəsində uğurla çıxış edərək bürünc medallara sahib olmuşlar.
Karateçilərimiz bu ay İranda keçiriləcək beynəlxalq turnirə hazırlaşırlar. İdmançılarımızı bu mötəbər yarışlara baş məşqçi Allahverdi Rüstəmov və məşqçi, I dan qara kəmər sahibi Mübariz Məlikov hazırlaşdırır.
Bölmənin digər xəbərləri
