İlk türkiyəli kosmonavt Türkiyə Kosmik Qüvvələri Komandanlığına təyin edilib

Ankara, 12 sentyabr, AZƏRTAC

Türkiyə tarixində ilk kosmonavt Alper Gezeravcı ölkənin Kosmik Qüvvələri Komandanlığına təyin edilib.

Bu barədə AZƏRTAC-a Türkiyə Milli Müdafiə Nazirliyinin mətbuat xidmətindən məlumat verilib.

Müdafiə Nazirliyi Türkiyə Hərbi Hava Qüvvələrinin pilotunun Milli Kosmik Proqramın həyata keçirilməsində iştirakını yüksək qiymətləndirib.

Son aylarda Gezeravcı gənc nəslin kosmik texnologiyaya marağının artırılmasına töhfə vermək məqsədilə uşaqlar və gənclərlə çoxsaylı görüşlər keçirib.

İlk türkiyəli kosmonavt Türkiyənin texnoloji inkişafı üçün “TECHNOFEST” festivalı kimi təşəbbüslərin əhəmiyyətini dəfələrlə vurğulayıb.

Ramin Abdullayev

AZƏRTAC-ın xüsusi müxbiri

Ankara

MÜƏLLİFLƏ ƏLAQƏ