İngiltərə Premyer Liqası: “Liverpul” – “Mançester Siti” oyununda qalib müəyyənləşməyib
Bakı, 10 mart, AZƏRTAC
İngiltərə Premyer Liqasında XXVIII turun növbəti oyunları keçirilib.
AZƏRTAC xəbər verir ki, turun mərkəzi matçı “Liverpul” və “Mançester Siti” komandaları arasında baş tutub. Görüş qollu heç-heçə ilə yekunlaşıb - 1:1.
Hesabı 23-cü dəqiqədə qonaqların heyətində Con Stouns açıb. Matçın 50-ci dəqiqəsində Aleksis Mak Allister penaltidən fərqlənərək oyunun yekun nəticəsini müəyyənləşdirib.
Günün digər qarşılaşmalarında “Tottenhem” “Aston Villa”ya 4:0, “Brayton” “Nottingem Forest”ə 1:0 hesabı ilə qalib gəlib. “Vest Hem” – “Börnli” görüşü isə qollu heç-heçə başa çatıb - 2:2.
Qeyd edək ki, bu nəticələrdən sonra xallarını 64-ə çatdıran “Liverpul” 2-ci, 63 xallı “Mançester Siti” üçüncü pillədədir. Turnir cədvəlinə 64 xalla “Arsenal” başçılıq edir.
Bölmənin digər xəbərləri
