İnklüziv sosial inkişafa dair kollektiv monoqrafiya nəşr olunub
Bakı, 24 fevral, AZƏRTAC
Elm və Təhsil Nazirliyinin İqtisadiyyat İnstitutunun İnklüziv sosial inkişaf şöbəsinin əməkdaşlarının iqtisad elmləri doktoru, professor Rəsmiyyə Abdullayevanın elmi rəhbərliyi ilə “İnklüziv sosial inkişaf” adlı kollektiv monoqrafiyası nəşr olunub.
Bu barədə AZƏRTAC-a institutdan bildirilib. İqtisadiyyat İnstitutunun Elmi şurasının qərarı əsasında çap olunan kitabın elmi redaktoru professor Rəsmiyyə Abdullayeva, rəyçiləri iqtisad elmləri doktorları Allahyar Muradov, Yaşar Məmmədov və dosent Pərviz Həsənovdur.
Monoqrafiyada inklüziv sosial inkişafın nəzəri əsasları, səhiyyə, sosial müdafiə, sosial sığorta, sosial yardım, pensiya sistemləri, gəlirlərin yenidən bölgüsü, həyat keyfiyyəti problemləri tədqiq olunub. Azərbaycanda inklüziv sosial inkişafın mövcud vəziyyəti qiymətləndirilərək onun gücləndirilməsi istiqamətləri göstərilib.
Kitab elmi işçilər, ali məktəb müəllimləri, tələbələr, doktorantlar və geniş oxucu kütləsi üçün nəzərdə tutulub.
Bölmənin digər xəbərləri
