“Intel” Polşada çip istehsalına 4,6 milyard dollar investisiya qoyacaq
Bakı, 17 iyun, AZƏRTAC
“Intel” Polşanın Vroslav şəhəri yaxınlığında yarımkeçiricilərin istehsalına və sınaq qurğusunun inşasına 4,6 milyard dollar investisiya qoymağı planlaşdırır.
AZƏRTAC “Reuters”ə istinadla xəbər verir ki, ABŞ şirkəti olan “Intel” Avropa Komissiyasının asanlaşdırdığı maliyyələşdirmə qaydalarından və subsidiyalardan faydalanmağa çalışır. “Intel”in Polşadakı obyektində 2000-dək işçinin çalışacağı, bir neçə min əlavə iş yerinin açılacağı bildirilir.
Polşanın Baş naziri Mateuş Moravetski “Intel”in tikəcəyi zavodu “Polşa tarixində ən böyük yaşıl sahə sərmayəsi” adlandırıb.
Bölmənin digər xəbərləri
