“İnter” klubu səhmlərinin 31 faizini Honkonqdan olan investorlara satmağa razı olub
Bakı, 26 yanvar, Nicat Məmmədov, AZƏRTAC
İtaliyanın “İnter” futbol klubu səhmlərinin 31,05 faizini Honkonq Fonduna satmağa razılıq verib.
AZƏRTAC xəbər verir ki, satışın məbləği bəlli deyil. Amma “La Gazzetta dello Sport” qəzeti məbləğın 150 milyon avro olduğunu iddia edir.
“2018-ci ildə rəhbərlik, məşqçilər və futbolçuların səyləri nəticəsində yaxşı idman və kommersiya nəticələri əldə etdik. Bizim əsas hədəfimiz “İnter”i yenidən dünyanın ən güclü komandaları sırasına qaytarmaq idi”, - deyə klubun direktoru Steven Çang deyib.
Qeyd edək ki, 2013-cü ildə indoneziyalı iş adamı Erik Tohir “İnter”in səhmlərinin 70 faizini alıb.
Bölmənin digər xəbərləri
