Bakı, 21 sentyabr, AZƏRTAC

Azərbaycan lokal xarakterli antiterror tədbirlərindən sonra İranın Mülki Aviasiya Təşkilatı ölkəmizə və Ermənistana aviareysləri bərpa edib.

AZƏRTAC İSNA-ya istinadla xəbər verir ki, Mülki Aviasiya Təşkilatının sözçüsü Cəfər Yazerlu aviareyslərin ötən gecədən bərpa olunduğunu bildirib. O əlavə edib ki, uçuşların qadağan edilməsi sərnişinlərin təhlükəsizliyi ilə əlaqədar idi.

C.Yazerlu qeyd edib ki, ötən gün ləğv olunmuş aviareyslərin sərnişinlərinin hüquqları təmin olunub.