İran millisi dünya çempionatına vəsiqə qazanıb
Bakı, 28 yanvar, AZƏRTAC
Futbol üzrə dünya çempionatının daha bir iştirakçısı bəlli olub.
AZƏRTAC xəbər verir ki, İran millisi Asiya zonası üzrə seçmə mərhələnin A qrupunun 7-ci turunda İraq yığmasına 1:0 hesabı ilə qalib gələrək mundiala vəsiqəni vaxtından əvvəl təmin edib. Bu qələbədən sonra xallarını 19-a çatdıraraq liderliyini möhkəmləndirən İran yığması sona 3 tur qalmış ən yaxın izləyicisi Koreya Respublikasını 2, Birləşmiş Ərəb Əmirliklərini isə 10 xal qabaqlayır. Bu isə o deməkdir ki, komanda mundiala ən pis halda ikinci yerin sahibi kimi yollanacaq.
Qeyd edək ki, Qətərin ev sahibliyi edəcək dünya çempionatı noyabrın 21-dən dekabrın 18-dək keçiriləcək.
Bölmənin digər xəbərləri
