İran tezliklə yerli peyvəndin istifadəsinə başlayacaq
Tehran, 24 mart, AZƏRTAC
COVID-19-a qarşı aparılan mübarizə çərçivəsində İran tezliklə yerli peyvənd istehsalına başlayacaq.
AZƏRTAC xəbər verir ki, bu sözləri İranın Səhiyyə Nazirliyinin nümayəndəsi Kiyanuş Cahanpur deyib. O bildirib ki, İranın hazırladığı “Cov İran Barakat” peyvəndi Kuba mütəxəssisləri ilə birlikdə hazırlanır və 2 dəfə sınaq mərhələsindən keçib. Hazırda 3-cü sınaq mərhələsi başlayıb və yayda əhali yerli peyvəndən istifadə edə biləcək.
Hələlik isə İranda Rusiyadan alınan “Sputnik-V” peyvəndindən istifadə edər. Lakin Rusiya İrana yalnız 2,5 milyon doza vaksin sata bilib. Bu qədər doza tələbatı ödəmədiyi üçün İran Çin və Kubadan da peyvənd alıb.
İranda koronavirusa yoluxma və ölüm hallarında azalma müşahidə edilir. Yanvar - fevral aylarında hər gün 100-dən çox xəstə ölürdüsə, mart ayında bu rəqəm 70-ə düşüb.
Rabil Kətanov
AZƏRTAC-ın xüsusi müxbiri
Tehran
Bölmənin digər xəbərləri
