İranda koronavirusdan ölənlərin sayı 9 mini ötüb
Tehran, 16 iyun, AZƏRTAC
İranda koronavirusla mübarizə çərçivəsində həyata keçirilən tədbirlərə baxmayaraq, ölənlərin və yoluxanların sayında hər gün artım müşahidə edilir. Son 24 saat ərzində 2563 nəfər virusa yoluxub, 115 nəfər isə vəfat edib.
AZƏRTAC xəbər verir ki, bu barədə İranın Səhiyyə Nazirliyinin mətbuat katibi Səadət Sima Lari keçirdiyi gündəlik mətbuat konfransında məlumat verib. Onun sözlərinə görə, İranda yoluxanların ümumi sayı 192 min 439 nəfərə, ölənlərin sayə isə 9 min 65-ə çatıb. Xüsusi xəstəxanalarda müalicə alan 152 min 675 nəfər isə sağalaraq evə buraxılıb. İntensiv terapiyada yatan 2815 xəstənin vəziyyəti ağır olaraq qalır.
Rabil Kətanov
AZƏRTAC-ın xüsusi müxbiri
Tehran
Bölmənin digər xəbərləri
