İranın cənub-şərqində terror aktına cəhd edilib
Bakı, 28 fevral, AZƏRTAC
İranın Sistan və Bəlucistan əyalətində terror aktı törətməyə çalışan şəxs vaxtından əvvəl baş verən partlayış nəticəsində ölüb.
AZƏRTAC Tasnim agentliyinə istinadla xəbər verir ki, bu barədə əyalətin inzibati mərkəzi olan Zahedan şəhərinin prokurorluğu məlumat yayıb.
Məlumata görə, iki terrorçu Mohamədan rayonundakı nəzarət-buraxılış məntəqəsi yaxınlığında patrul avtomobilini partlatmaq məqsədilə ölkəyə daxil olub. Onlardan biri partlayıcı qurğunun vaxtından əvvəl işə düşməsi nəticəsində ölüb. Qaçmağa müvəffəq olan ikinci terrorçunun saxlanılması üçün əməliyyat başlayıb.
Pakistan və Əfqanıstanla sərhəddə yerləşən Sistan-Bəlucistan əyaləti İranda gərginlik mənbələrindən biri hesab olunur. Qaçaqmalçılığın mütəmadi həyata keçirildiyi bölgədə separatçı qruplar da aktiv fəaliyyət göstərir.
Bölmənin digər xəbərləri
