Azərbaycan Dövlət İnformasiya Agentliyi

DÜNYA

İRAQDA ÖLKƏNİN ÜZGÜÇÜLÜK ÜZRƏ MİLLİ YIĞMA KOMANDASI QARƏT EDİLMİŞDİR

23.08.2004 [21:27]
Çap et
A⁺ A^-

AZƏRTAC “Novosti” agentliyinə istinadla xəbər verir ki, İraqda naməlum silahlı şəxslər ölkənin üzgüçülük üzrə yığma komandasının üzvlərinə hücum edərək, onları soymuşlar. Bunu komandanın məşqçisi Abd Muxeybis bildirmişdir.

Onun sözlərinə görə, avtobuslarla qonşu Küveytdən təlim-məşq toplanışından qayıdan komanda Bağdaddan 300 km cənubda silahlı adamlar tərəfindən saxlanılmışdır. Həmin adamlar onları müqavimət göstərəcəkləri təqdirdə öldürməklə hədələmişlər.

Yığma komandanın üzvləri beş saat quldurların əlində qalmışlar. Quldurlar onları soyduqdan sonra buraxmışlar.

Komandanın üzvləri Küveytə 22 ərəb ölkəsindən olan idmançıların iştirakı ilə gələn ay Əlcəzairdə keçiriləcək Ümumərəb Olimpiya oyunlarına hazırlaşmağa getmişdilər.