İRAQIN YIĞMA FUTBOL KOMANDASI TEHRANDA KEÇİRİLƏCƏK BEYNƏLXALQ TURNİRDƏ İŞTİRAK EDƏCƏK
AZƏRTAC-ın Tehrandan aldığı xəbərə görə, İraq futbolcuları avqustun 13-15-də İran paytaxtının kuboku uğrunda keçiriləcək “Dördlərin turniri”ndə iştirak edəcəklər. İran, Uruqvay və Kamerun komandalarının da qatılacağı turnirin bütün oyunları 100 min tamaşaçı tutan mərkəzi “Azade” stadionunda keçiriləcəkdir.
İraq komandasının məşqçisi Əhməd Razi turnirdə iştirak etmək imkanından çox razı qaldığını bildirmişdir. O, İraq televiziyasına müsahibəsində demişdir ki, biz İran Futbol Federasiyasının dəvətini məmnuniyyətlə qəbul etdik və yüksək nəticə göstərmək ümidindəyik.
Bölmənin digər xəbərləri
