İspaniya ötən il ölkəyə gələn turist sayına görə rekord qırıb

22.01.2024 [05:15]
Çap et
A⁺ A^-

Bakı, 22 yanvar, AZƏRTAC

İspaniyaya ötən il rekord sayda turist gəlib.

AZƏRTAC xəbər verir ki, bunu ölkənin sənaye və turizm naziri Jordi Hereu deyib.

Statistikaya görə bu günə qədər ölkəyə gələn ən çox turist sayının 2019-cu ildə 83,5 milyon nəfər olduğuna diqqət çəkən nazir, 2023-cü ildə bu rəqəmin artaraq 84 milyonu ötdüyünü qeyd edib. “Bu, indiyədək qeydə alınan ən yüksək rəqəmdir”, - deyə nazir vurğulayıb.

Bildirib ki, 2023-cü ildə ümumi turizm gəliri 108 milyard avronu keçib. Bu, əvvəlki illərlə müqayisədə, 2019-cu ildən 17,4 faiz, 2022-ci ildən isə 23,8 faiz çoxdur.

İspaniyalı nazir bu il turist sayında və turizm gəlirində rekord gözlədiklərini diqqətə çatdırıb.