İspaniyada pandemiyanın üçüncü dalğası təxminən 4 milyon insanı işsiz qoyub

03.02.2021 [07:11]
Çap et
A⁺ A^-

Madrid, 3 fevral, AZƏRTAC

İspaniyada tüğyan edən pandemiyanın üçüncü dalğası yanvar ayının sonuna olan məlumatlara görə, təxminən 4 milyon insanı işsiz qoyub. Bu ötən ilin eyni ayı ilə müqayisədə 22 faiz çoxdur.

AZƏRTAC xəbər verir ki, 710 min işsizi əhatə edən bu artım məşğulluğun müvəqqəti tənzimlənməsi faylları (ERTE) tətbiq edilənlərə şamil edilmir. Sosial Təminat xidmətinin məlumatlarına əsasən, hazırda ölkədə təxminən 710 min işsiz var.

İş yerlərinin azalması əsasən illərarası göstəricinin 19,48 faiz, əyləncə xidmətləri sektorunun 16,03 faiz aşağı düşdüyü qonaqpərvərlik sahəsinə təsir edib.

Nigar Cəfərli

AZƏRTAC-ın xüsusi müxbiri

Madrid