İstanbul sahillərində mənşəyi bəlli olmayan pilotsuz dəniz vasitəsi aşkarlanıb
İstanbul, 25 iyul, Günel Karatepe, AZƏRTAC
Bu gün yerli vaxtla saat 12:00 radələrində İstanbulun Yalıköy sahilində mənşəyi indiyədək müəyyən edilməyən pilotsuz dəniz vasitəsi aşkarlanıb.
AZƏRTAC xəbər verir ki, bu barədə İstanbul Valiliyi yazılı açıqlama yayıb.
Məlumata əsasən, bölgəyə ölkənin təhlükəsizlik qüvvələrinin müvafiq qrupları cəlb edilib. Təhlükəsizlik tədbirləri çərçivəsində dəniz vasitəsinin aşkarlandığı ərazi nəzarətə alınıb, buradakı vətəndaşlar təxliyə ediliblər.
Qara dənizin şimalından gəldiyi ehtimal edilən pilotsuz aparatın uzunluğunun üç, genişliyinin isə bir metr olduğu bildirilir.
Bölmənin digər xəbərləri
