İstilik və su elektrik stansiyalarında istehsal edilən enerjinin həcmi açıqlanıb
Bakı, 19 mart, AZƏRTAC
Yanvar-fevral aylarında istilik elektrik (İES) və su elektrik stansiyalarında (SES) istehsal edilən elektrik enerjisinin həcmi açıqlanıb.
Energetika Nazirliyindən AZƏRTAC-a bildirilib ki, iki ayda respublikada elektrik enerjisinin istehsalı 4 milyard 560,8 milyon kilovat/saat olub. Elektrik enerjisinin istehsalı İES-lərdə 125,7 milyon kilovat/saat azalaraq 4 milyard 364,2 milyon kilovat/saat, SES-lərdə 13,8 milyon kilovat/saat artaraq 140,7 milyon kilovat/saat, digər mənbələr (KES, GES və BMTYZ) üzrə isə 55,9 milyon kilovat/saat olub.
Bölmənin digər xəbərləri
