İsveç ölkəyə gələn əcnəbilərdən koronavirus üçün mənfi testlər tələb edəcək

04.02.2021 [06:53]
Çap et
A⁺ A^-

Stokholm, 4 fevral, AZƏRTAC

İsveç ölkəyə gələn əcnəbilərdən koronavirus üçün mənfi testlər tələb edəcək.

AZƏRTAC İsveç KİV-lərinə istinadla xəbər verir ki, İsveç bəzi istisnalar olmaqla, ölkəyə giriş zamanı bütün xarici vətəndaşlar üçün koronavirus testlərindən keçmələri tələbini irəli sürür.

Hökumətin qərarı İsveç ictimai səhiyyə agentliyinin sorğusu əsasında qəbul edilib.

Baş nazir Stefan Levenin sözlərinə görə, COVID-19-un yeni ştammları ekspertlərin narahatlığına səbəb olur. Bu səbəbdən, şənbə günündən etibarən İsveçə daxil olmaq istəyən bütün xarici vətəndaşlar koronavirus üçün mənfi test təqdim etməlidirlər. Testin müddəti 48 saatdan çox olmamalıdır. Qaydalar bəzi istisnalarla 18 yaşdan yuxarı bütün şəxslərə şamil edilir.

İstisnalar İsveçdə yaşayan əcnəbilər üçün edilə bilər. Həmçinin sərhəd ölkələrindən olan İsveçdə yaşayıb işləyən insanlara da şamil edilir.

Rauf Əliyev

AZƏRTAC-ın xüsusi müxbiri

Stokholm