İSVEÇRƏLİLƏR PİŞİKLƏRİ QUŞ QRİPİ VİRUSUNDAN NECƏ QORUYURLAR?
AZƏRTAC-ın İTAR-TASS agentliyindən aldığı xəbərə görə, quş qripi İsveçrədə pişik sahiblərini əməlli-başlı narahat etmişdir. Onlar federal baytarlıq xidmətinə müraciət edərək, bu ev heyvanlarını xəstəlikdən necə qorumaq yollarını öyrənirlər. Hələlik baytar həkimləri yalnız bir üsulu məsləhət görürlər: pişiklərin boynuna zınqırov keçirərək, onların xəstə quşlarla təmasda olmaları riskini azaltmaq.
Hollandiya mütəxəssislərinin apardıqları tədqiqatların nəticələri göstərir ki, quş qripi virusuna təkcə quşlar deyil, pişiklər də yoluxa bilər. Bundan əlavə, Banqkok zooparkında çiy quş leşləri yemiş pələnglərin bu təhlükəli virusa yoluxması faktı qeydə alınmışdır.
Bölmənin digər xəbərləri
