İTALİYADA FUTBOL AZARKEŞLƏRİNİN AZĞINLIĞI

23.03.2004 [12:13]
Çap et
A⁺ A^-

AZƏRTAC-ın xarici informasiya agentliklərindən aldığı xəbərdə deyilir ki, İtaliya paytaxtının “Latsio” və “Roma” klubları arasında bazar günü keçirilən görüşdə azarkeşlərlə toqquşma zamanı 153 polis xəsarət almışdır. Azarkeşlərin bu zorakılığı ilə əlaqədar hakim oyunu dayandırmalı olmuşdur. “Tiffozi”lərdən 14 nəfər zərər çəkmişdir, lakin zədələri təhlükəli olmadığından onları xəstəxanaya aparmağa lüzum qalmamışdır.

Bəs bu vəhşiliyə səbəb nə idi? Milli birinciliyin bu 26-cı turunun görüşündə 47-ci dəqiqədə hesab hələ 0:0 olarkən stadionda şayiə yayıldı ki, idman qurğusu yaxınlığında polis maşını yeniyetmə azarkeşi vurub üstündən keçmişdir. Polisin bu xəbəri dərhal təkzib etməsinə baxmayaraq, artıq vəcdə gələn “tiffozi”ləri dayandırmaq mümkün olmamışdır. Özü də, hər iki komandanın azarkeşləri asayiş keşikçilərilə əlbəyaxa savaşda həmrəy olaraq birləşmiş və əllərinə keçəni onların üzərinə yağış kimi yağdırmışlar.

İTALİYADA FUTBOL AZARKEŞLƏRİNİN AZĞINLIĞI

MÜƏLLİFLƏ ƏLAQƏ

Bölmənin digər xəbərləri