Kabo-verdeli yarımmüdafiəçi “Qarabağ”ın tarixinə düşüb
Bakı, 7 aprel, AZƏRTAC
“Qarabağ”ın futbolçusu Leandro Andrade Azərbaycan çempionatlarında 100-cü oyununu keçirib.
AZƏRTAC Peşəkar Futbol Liqasının rəsmi saytına istinadən xəbər verir ki, yarımmüdafiəçinin yubileyi Misli Premyer Liqasının XXIX turuna təsadüf edib.
25 yaşlı kabo-verdeli oyunçu “Zirə” ilə ev matçına start heyətində çıxıb. O, 100 görüşdə 32 qola imza atıb.
Andrade Premyer Liqada 2021/2022-ci illər mövsümündə debüt edib. Onun ilk oyunu 2022-ci il fevralın 7-də “Neftçi” ilə səfərdəki (2:1) matç olub.
Qeyd edək ki, “Qarabağ” bu oyunda 1:0 hesablı qələbə qazanıb.
Bölmənin digər xəbərləri
