KALİFORNİYANIN BERKELİ UNİVERSİTETİNDƏ XOCALI FACİƏSİNİN 18-Cİ İLDÖNÜMÜ İLƏ ƏLAQƏDAR TƏDBİR KEÇİRİLMİŞDİR
Bakı, 22 fevral (AZƏRTAC). ABŞ-ın Kaliforniya ştatında fəaliyyət göstərən Azərbaycan-Amerika Şurası, Berkeli Türkdilli Tələbələr Assosiasiyası və Türk-Amerika Assambleyası Assosiasiyasının təşkilatçılığı ilə fevralın 19-da Berkeli Universitetində XX əsrin ən dəhşətli hadisələrindən olan Xocalı faciəsinin 18-ci ildönümü ilə əlaqədar tədbir keçirilmişdir.
Tədbirdə soydaşlarımız, Kaliforniyada təhsil alan azərbaycanlı tələbələr, Azərbaycanın Los Ancelesdəki baş konsulluğunun əməkdaşları və Berkeli Universitetinin tələbələri iştirak etmişlər.
Montana Universitetinin professoru Tomas Qoltz, Simali Dakota Universitetinin professoru Tomas Ambrosio, Kaliforniyanın Devis Universitetindən Pərvin Axancı, baş konsulluğun əməkdaşı Elşən Baloğlanov, Türk-Amerika Assambleyası Assosiasiyasının nümayəndəsi Ergün Kirlikovalı və Azərbaycan-Amerika Şurasının icraçı direktoru Cavid Hüseynov çıxış etmiş, ermənilərin Azərbaycana təcavüzü, əsassız torpaq iddiaları barədə ətraflı məlumat vermişlər.
######
Bölmənin digər xəbərləri
