Kamal Abdullayevin biblioqrafik göstəricisi nəşr olunub
Bakı, 19 dekabr, AZƏRTAC
“Azərbaycanın energetik alimləri” seriyası çərçivəsində “Kamal Abdullayev” biblioqrafik göstəricisi nəşr olunub.
Bu barədə AZƏRTAC-a Azərbaycan Dövlət Neft və Sənaye Universitetindən (ADNSU) məlumat verilib. Bildirilib ki, ADNSU-nun Azİİ e-Kitab Evi tərəfindən nəşr etdirilən biblioqrafik göstəricidə Əməkdar elm xadimi, texnika elmləri doktoru, professor Kamal Abdullayevin həyat və fəaliyyətinin ayrı-ayrı məqamları haqqında məlumatlar əksini tapıb. Biblioqrafik göstəricidə, eyni zamanda, alimin çap olunmuş elmi əsərləri, məqalələri, tezis və çıxışları yer alıb.
Nəşr energetika sahəsində çalışan alimlər, mütəxəssislər, tələbələr və geniş oxucu kütləsi üçün nəzərdə tutulub.
Bölmənin digər xəbərləri
