Kamran İmanov: İddia sənədlərinin ekspertizasının müddəti orta hesabla 30-50 faiz azaldılıb

22.04.2026 [12:24]
Çap et
A⁺ A^-

Bakı, 22 aprel, AZƏRTAC

İxtira, faydalı model, sənaye nümunəsi, əmtəə nişanı, coğrafi göstəriciyə dair iddia sənədlərinin ekspertizasının müddəti orta hesabla 30-50 faiz azaldılıb.

AZƏRTAC xəbər verir ki, bunu jurnalistlərə müsahibəsində Əqli Mülkiyyət Agentliyinin İdarə Heyətinin sədri Kamran İmanov 2026-cı ilin birinci rübündə fəaliyyətinin yekunları haqqında danışarkən deyib.

Agentliyin rəhbəri bildirib ki, 139 ölkənin iqtisadiyyatını əhatə edən və innovasiya fəaliyyətinin potensialı, səmərəliliyi və çərçivə şərtlərinə dair təxminən 80 indikator-göstərici əsasında tərtib olunub: “Qlobal İnnovasiya İndeksi - 2025”də “mənşəyinə görə patent müraciətləri” indikator-göstəricisi üzrə Azərbaycan 57-ci yeri tutaraq, Moldovanı (64-cü yer), Tacikistanı (77-ci yer) və Ermənistanı (79-cu yer) qabaqlayıb. “Mənşəyinə görə faydalı modellər” və ya “kiçik patentlər” indikator-göstəricisi üzrə isə 38-ci pillədəyik”.

_{Müxbir – Aysel Azadqızı}

_{Fotoqraf – Azər İbrahimov}

_{Operator – Şövqi Əzizov}