Kanada miqrant qəbulu kvotasını ciddi şəkildə azaldır
Bakı, 27 oktyabr, AZƏRTAC
Kanada 2025-ci il üçün miqrant qəbulu planını 21 faiz azaldıb.
AZƏRTAC “Figaro”ya istinadla xəbər verir ki, bu barədə ölkənin Baş naziri Castin Trudo məlumat verib.
Hökumət başçısı bildirib ki, miqrant qəbulu Kanadanın gələcəyi üçün vacib olsa da, nəzarətdə saxlanmalıdır.
Miqrant qəbulu sürətləndiyi üçün Kanadanın əhalisi də 10 ildə 35 milyon nəfərdən 41 milyon nəfərə çatıb.
Hökumət yaxın 3 ildə daimi yaşamaq üçün qəbul ediləcək miqrant kvotalarını ciddi şəkildə ixtisar edib. bir neçə ay əvvəl Miqrasiya Nazirliyi yaxın 3 ildə hər il üçün 500 min miqrantın daimi yaşayış üçün qəbul ediləcəyini açıqlamışdı. İndi elan edilən proqrama görə isə, 2025-ci ildə 395 min nəfər, 2026-cı ildə 380 min nəfər qəbul ediləcək. 2027-ci il üçün plan isə daha ciddi ixtisar edilərək 365 min nəfərə endirilib.
Bölmənin digər xəbərləri
