Keçmiş “Formula-1” sürücüsü haqqında “No Limits” adlı sənədli film çəkilib
Bakı, 1 fevral, AZƏRTAC
“Formula-1” yarışlarının məşhur sürücüsü Aleks Zanardi haqqında “Məhdudiyyətsiz” (“No limits”) adlı sənədli film çəkilib.
AZƏRTAC “F-1.az” saytına istinadla xəbər verir ki, A.Zanardi 14 il əvvəl CART seriyasında çıxışı zamanı ağır qəza nəticəsində hər iki ayağını itirib. Amma buna baxmayaraq, italiyalı sürücü idmana qayıtmış və hətta Londonda Paralimpiya Oyunlarında iki medal qazanmışdı.
Artıq bu gündən azarkeşlər sənədli filmi “Vimeo” xidmətində kiçik ödəniş etməklə 4K keyfiyyətində həm baxa, həm də yükləyə bilərlər.
Film Böyük Britaniya, ABŞ, Almaniya və İspaniyada bir neçə festivalda mükafatlara layiq görülüb.
A.Zanardi 2014-cü ilin oktyabrında Bakıda keçirilən GT3 yarışlarında “BMW” komandasının sürücüsü olmuş idmançı kimi ölkəmizə səfər etmişdi.
Bölmənin digər xəbərləri
